美贊臣 Enfinitas 育兒護理工作坊

我的第三個產前講座，就係「美贊臣 Enfinitas 育兒護理工作坊」，同 Friso 實習坊差唔多，都係比準爸媽動手實習為主。

早上10點半，到達會場，工作人員會派枱號卡、藻油DHA試食，同埋小甜品 -- 係用安嬰媽媽A+奶粉製成嘅十勝紅豆燉奶。正好啱晒孕媽咪做早上嘅小食。

美贊臣請咗伍文生哥哥做主持，講嘢生動有趣，冇悶場，文生哥哥都係有3個小朋友㗎，佢仲笑話陀第三胎嘅爸媽，有晒經驗，今日來應該淨係為咗攞禮物。不過我唔係咁諗呀，我有心來重溫知識的，哈～

話明工作坊，以動手做為主，縮短了理論講座嘅時間。先由註冊護士及助產士簡單講講初生兒嘅護理知識，例如頭幾天嘅糞便的正常顏色、小便量、䐭帶護理、掃風，又特別示範企係度掃風嘅抱法。

接住，開始實戰，讓大家嘗試幫 BB 換片、沖涼、換衫。同時，在場多位陪月姨姨，會行過黎提點同幫忙，有唔明可以即刻問姨姨。

工作坊時間約一小時，場內仲可以用優惠價 $100購買原價 $268 媽媽藻油 DHA。禮物方面，最吸引係張薄包被同埋和尚袍，啱晒我10月生產，天氣唔太凍，涼涼爽爽嘅時候用。