網上購物體驗 ~ EC Ways 嚴選優質健康產品平台

宜家網上購物平台愈來愈多，足不出戶就可以享受購物樂，特別近呢個月進入待產時候，大多留係屋企，網上購物就成為我呢排嘅消遣。

同大家分享下我嘅收穫先，我今次係喺【EC Ways 嚴選優質健康產品平台】買嘅，主要代理外國食品同埋用品。買滿 $300就可以免順豐站/智能櫃費用。

我習慣一睇就睇小朋友嘢先，見首頁推廣緊 Lusol 韓國鹿茸紅蔘汁，就買一盒比阿囝阿女試飲。佢係用韓國紅蔘 + 紐西蘭鹿茸製成，增進小朋友免疫力及體力。即開即啜，聞落去幾香蔘味，飲落口甘甘甜甜。

然後，比阿女見到有水果乾，話要試。我話係比冇牙仔嘅 BB 㗎，佢話買定比細佬喎，其實係佢自己想食。經佢游說下，見平平地，買3包啦。開咗包梨味，唔錯哦，100%水果脫水製成，味道同原個水果冇分別。

最後，見有 Manuka 賣。平時一到秋冬前，我會飛澳洲或者紐西蘭買，不過宜家陀緊BB冇得飛，生完起碼半年後先飛去買。所以喺埋 EC Ways 買定先，#Melora UMF10+，一小包一次啜入口，夠方便。另外買埋 UMF15+ 嘅 Manuka 糖，秋冬潤喉唔錯。

今次收穫唔錯，黎緊生完坐月，又再睇下有咩啱買先。

【EC Ways】
http://www.ec-ways.com

第二個 Tinkererbox ~ 6至8歲系列

上星期，哥哥玩個 Tinkerer Steam Box 玩得咁開心，妹妹話好想自己擁有一個，所以就送咗個 Odyssey 嘅 Anatomy 比佢。

上次提過 Tinkererbox 分三個年齡層，最細連3歲都啱玩。今次妹妹呢份，係 Odyssey 系列，適合 6至8歲小朋友，呢套 Anatomy 係可愛版嘅人體解剖學教材，入面有拼布、粗繩、衫鈕、貼紙等，透過拼拼貼貼，令小朋友認識人體內臟嘅位置。加上顏色豐富，特別吸引小朋友。

妹妹嗜好係做小手工，佢一邊睇住說明書，一邊好有心機「縫合」布料及衫鈕，再貼上眼耳口鼻貼紙，自由設計裝飾。呢個步驟幾考小朋友手肌及耐性，一圈接一圈穿線，要專心慢慢做。

整好呢件「衫」之後，穿上身，好可愛，主要嘅內臟位置一目了然，妹妹仲將佢掛上衣架，好喜歡呢！

另外，仲有一個附加小玩意，用 X-Ray 嘅概念，利用一張夜光膠片，同埋電筒，就會發生神奇效果。

內除咗有英文說明書，亦會有一本小書冊，介紹人體器官、細胞、染色體等，仲有小遊戲比小朋友填繪。

Tinkererbox 真係一件好值得推介嘅嘅 STEM 教材玩具，將學習融入遊戲中，動手製作有助加深印象。訂購又方便，上網訂完就會送去你屋企喇。

如果想睇番上次哥哥果盒 Tinkererbox，可以去呢度 https://dalasfirenze.blogspot.com/2019/09/stem-tinkerer-box.html

【Tinkererbox 網頁】
http://www.tinkererbox.com

Ubaby 及 雀巢 產前講座

進入最後三星期倒數，嬰兒護理、孕婦營養等嘅知識，已經聽了好多。係時候聽吓產後護理，坐月事宜。

生產前，巧合地，最後3個講座都係關於坐月為主。正好讓我同老公重溫一下坐月知識。

Ubaby 及雀巢呢兩個講座，都好相似。兩者都會教大家坐月要注意嘅事項，介紹坐月湯水，坐月營養，建議食療等等。

Ubaby 會另外再講講胎兒在媽媽肚中，同埋出世後嘅發展，如何教育同互動。

場內會有魚精、滴雞精、坐月湯包、炒米茶包等攤位，以優惠價發售。亦有迪士尼美語世界，可以即場做訂購。

至於雀巢，除咗聽講座，也有體驗坊，體驗坊有陪月姨姨示範幫BB換片、沖涼、穿衣等護理技巧，有唔明可以即時問。

Ubaby 及雀巢嘅講座禮物

時下流行 STEM 小玩意 ~ Tinkerer Box

呢個時代嘅教育流行乜野呢？

相信應該好多小學都會有 STEAM 課程 (Science, Technology, Engineering, Art, Mathematics)，係一個結合科學、技術、工程、藝術，及數學嘅跨學科教學方法。 

我對仔女學校每星期都有 STEM 堂，亦係佢哋最鍾意上嘅堂 。由仔仔一年級開始，到宜家四年級，學校每個學期都會有唔同主題，小朋友透過動手做，發明一些小玩意，從中學習物件結構及原理。

近來比我發現咗一盒叫 Tinkererbox 嘅 STEM 教材，我諗對仔女一定好鍾意。

Tinkerer STEAM box 分三個年齡組別：3至5歲 Wonder、6至8歲 Odyssey、9至12歲 Explorer。

呢盒 Repeating Crossbow 係 Explorer 組別，組件比較多，大致分成三包，分別砌弓柄、弓身及裝飾配件。每盒 Tinkererbox 有圖文並茂嘅英文說明書，另外有本 Explore Magazine 講解原理，詳細介紹弓嘅由來同埋用途。

哥哥一向喜歡呢類組裝科學玩意，自己睇住說明書，由零開始砌，砌咗大半小時度。砌完好喜歡呀，呢幾日仲日日攞出來玩。

透過了解教材嘅結構，幫助小朋友認識物理原理，發展對科學探究嘅興趣。 足不出戶，都可以比小朋友體驗 STEM 樂趣，有興趣不妨上官網訂購，間中仲有折扣架。

 【Tinkererbox 網頁】 http://www.tinkererbox.com

精油工作坊 ~ DIY 繽紛浸浴球

有時行街，見到出面賣嘅浸浴球都幾貴。幾十蚊一個，丟入水炸幾秒就玩完。

見到 Aroma Moms 舉辦「繽紛浸浴球DIY工作坊」，可以自製喜歡嘅香味、形狀，就去學吓。 

原來，DIY浸浴球嘅材料好簡單 ，好易買，超級市場或烘焙店都買到，再加上自己喜歡嘅精油，滴幾滴，撈吓撈吓就完成。

阿囝氣管同鼻一直比較差，導師建議我先試試薰衣草精油整浴球。整咗三個，又靚又香呀！返到屋企放入暖水浸浴，香味隨住蒸氣升入鼻中，一邊沖涼一邊聞住，幫助抒緩。

Aroma Moms 係由一群喜愛精油芳療，用天然方法支援家人健康嘅媽媽組成。佢哋仲有好多其他工作坊，例如DIY唇膏、潤手霜、護膚膏、泥膠、親子瑜伽等，將天然精油浸入日常用品製作中，達至保健、芳療、治癒作用，好玩之餘又實用！

有興趣玩的話可以上網了解下
【Aroma Moms 精油百貨 × 保健分享】
FB 專頁: https://www.facebook.com/aromamomssharing/
IG: https://www.instagram.com/aroma_moms/