We Bare Bears 熊熊兄弟 在昂坪同大家拜年

上星期，我地一家人又上咗昂坪市集玩喇，今次嘅農曆新年佈置，以卡通片《We Bare Bears》為主題，三隻熊熊著上新年服飾，好有氣氛，等我介紹一下每個必到打卡位啦。

步出纜車，就係圓形廣場嘅 We Bare Bears「熊運滿堂」，有大佬棕熊手持醒獅，二哥熊貓變身為月老，及三弟北極熊亦化身成財神。仲有許願井，中間嘅全盒放滿大大粒開心果、大桔。

沿住市集行，一路上桃花處處，就見到 We Bare Bears 層層疊同埋金色小福鼠，咁可愛，個個爭住影相呀！

到達「熊熊許願館」，不能錯過館內嘅個打卡行運位，有風車陣、天燈等，而館外有個「菩提許願亭」，於昂坪360指定店舖消費滿指定金額，就可以掛上許願牌，寫低你嘅新年願望。

影咗咁多相，只需要將任何「熊熊」合照上載至個人社交網站，就可以參加大抽獎，大獎包括 iPhone 11、Canon 相機及任天堂 Switch 遊戲機等。另外，初一至初六更有多場舞獅表演。一於趁新春假期，一家人上黎慶賀新年啦。

**順帶一提，呢條彩虹樓，都係昂坪嘅打卡熱點呀。

==============================
昂坪360× We Bare Bears 熊來運到360
日期：2020年1月16日至2月23日
時間：星期一至五 10am-6pm
周末及公眾假期 9am-6:30pm
年初一至四 (1月25至28日) 9am-8pm
地點：昂坪市集

更多活動詳情可參考🔗 http://bit.ly/2RkCwWZ

瀛春接福溫泉町 有麵食又有嘢玩

「出前一丁麻油麵、出前一丁麻油麵」，深入民心，細細個就已經好最鍾意食喇。今個新春，屯門市廣場聯同日清食品，有個「瀛春接福溫泉町」，有麵食又有遊戲玩。

清仔、清爸、清媽、清妹以日式溫泉旅館及出前一丁棒丁麵、棒烏冬為主題，打造多個打卡點及遊戲體驗。

幸運拉麵彩虹樂：將清仔頭像嘅硬幣擲到指定拉麵圖案上，就可以獲得出前一丁即食麵、杯麵或者拉麵。

鼠鼠聲拉麵店：食麵要食得滋味，食到「鼠鼠」聲，「鼠」到指定分貝，就可以獲得禮物，記住食得大聲d呀。我最高記錄得101分貝咋，大家努力呀！

我的合味道工作坊：日清食品將杯麵製作工廠移到商場，大家可以自己繪畫杯麵嘅杯身，揀選喜愛嘅配料、湯底，成為屬於自己嘅獨特杯麵。以港幣50元或 S+Rewards 會員以15點數，就可以參加工作坊。

另外，場內有出前一丁期間限定賀年店，出售出前一丁及清仔精品，及展出代絕版精品，例如迷你夾麵機、模型等。消費滿指定金額，更加換領清仔利是封、揮春、餐碗、旅行袋。

最後，唔好忘記影相打卡呀，同清仔清妹，及大大碗湯麵合照。又食、又玩、又影相，呢個新春，唔好錯過喇。

==========================
屯門市廣場 X 日清瀛春接福溫泉町
日期︰2020年1月10日至2月16日
時間︰10am-10pm
地點︰1樓中央廣場

荃新天地賀鼠年 Say Cheese to CNY 嘉年華

嘉年華，唔一定要去大嘅，荃新天地有個細細地，一樣咁好玩，玩到樂而忘返嘅嘉年華「Say Cheese to CNY」。

場內有8個好意頭嘅攤位遊戲，擲彩虹、釣芝士、碌保齡、射籃球等等。

唔單止小朋友玩得興奮，連大人都一樣玩得投入，某幾個遊戲都有d難道架，考反應、考眼界，一齊挑戰下啦。我哋收穫豐富呀。

除咗遊戲，當然唔少得賀年影相位

巨型芝趣迷宮：佔地約1000呎，芝士外型，入面有不倒翁、小隧道，S+Rewards 會員更可以點數換取可愛芝士帽，及收集卡，於迷宮集齊印仔，換領新春禮遇。

金玉滿堂推銀機：全部都係金光閃閃嘅金幣，寓意財源滾滾。

互動祈願彩燈：房內佈滿互動彩燈，可以自選唔同祝願，改變房內彩燈顏色。

芝足常樂霓虹光影牆：立體芝士座椅，加上身後嘅新年祝福語，一家人係度打卡，滿滿溫馨。

另外，仲有。Say Cheese 期間限定店，有多款唔同口味嘅芝士，例如蜂蜜味、薄荷味等，買返屋企招呼朋友拜年，最適合不過。

荃新天地更與 HKTVmall 合作，大家可於HKTVmall 以低至6折購買《Say Cheese to CNY》嘅遊戲券連美食券套票。有優惠，又好玩，禮物又豐富，新年點可以錯過呀。

========================
【Say Cheese to CNY 嘉年華】
日期：2020年1月18日 至2月9日
時間：10am-10pm
(攤位遊戲開放 12pm-9pm)
地點：荃新天地1期及2期中庭