黃埔「九號水產」日本美食節

好耐冇去日本旅行喇，突然好掛住日本美食，知道黃埔「九號水產」有個日本美食街節，好奇之下就去睇睇。

適逢中秋，場內特意推廣三款日本海產：油甘魚、帆立貝、鯛魚，分別寓意中秋、開運、添福，有意義呢！

入面有一條日本美食街，由9月13日起，逢星期六日開放，除咗可以買到日本海產同日本直送主食外，仲有即場炮製嘅新鮮美食，我哋試咗大大粒嘅香煎帆立貝、鯛魚湯、同埋好特別嘅油甘魚 Shabu Shabu，油甘魚生食就見得多，熟食配埋蔬菜，超鮮甜。

除海鮮類，亦有十勝豚肉、博多炸雞等。

而星期一至四，可以用半價享用「頤之味」「饒之味」餐廳嘅指定六款菜式，每款折完都係幾十蚊咋。場內有一個「私廚教室」，今次請來「菓子夢」導師，開設帆立貝親子烹飪班。烹飪班詳情可以參考「九號水產」facebook 專頁。

呢個9月，「九號水產」有得食、有得購物、有親子玩樂、仲有影相打卡靚位。大家唔好錯過喇！

「九號水產」日本美食節
日期：9月13至29日
地點：黃埔天地百合苑商場 (第9期) G1-9 及 G17-18 號舖
http://www.facebook.com/nineseafoodplace/