「花椒之味」優先場

其實我平時好少好少睇戲，不過今次難得有兩張優先場戲票，就捉咗老公一齊去睇。

《花椒之味》，就咁聽個名，估唔到劇情，以為都係d愛情片。後來老公睇之前，上網搵吓預告，原來係親情片，開始有點期待。

好耐冇睇過 Sammi 嘅戲，但對佢嘅戲，都幾有好感的。劇情係講 Sammi 與另外兩個身在外地嘅同父異母姊妹相遇，各人在生活上嘅困難、抉擇下，最後聚埋一齊，延續去世父親嘅一生心血 -- 火煱店。

呢套戲每個情節非常細膩，而作客串嘅劉德華，講嘅每一句亦好有意義。 除咗有笑位，親情片亦唔少得洋蔥位，笑中有淚。中間嘅小洋蔥，令人多次感動，到片尾大洋蔥，我兩行眼淚係咁流，聽到好多人攞紙巾嘅聲。

【及時擁抱所愛 】係我對呢套戲嘅最深感觸。大家不妨去睇吓啦。

9月12日正式上映。