Biolane爽膚洗髮套裝 網上BB展好多折扣呀

呢段時期，唔好周圍去，同細佬B 留係屋企最安全。不過，BB 用品用得七七八八，本來諗住月尾去 BB展補倉嘅，宜家延期冇得去住。好在 Biolane 舉行「網上BB展」，安坐家中依然買到心頭好。

細佬B 好怕熱又易出汗，係屋企都大汗淋漓，成身黐笠笠，頭髮濕晒，頭都臭。見到 Biolane「夏日至cool爽膚頭泥套裝」有64折優惠，非常抵買，好啱細佬用。

套裝入面有皇牌防敏爽身粉液+溫和洗髮露。液體狀嘅爽身粉液，搽上皮膚後會變成粉狀，吸走汗水，最啱搽係多汗嘅背脊、大脾內側、後頸、手臂上嘅皺摺位，防止熱痱。

而洗頭水，有效去除及預防頭泥，內含蜜糖成份，保持髮質柔滑。溫和去除頭皮及頭髮上嘅污垢，仲令頭髮香噴噴。

兩款產品獨有 Hydra-bléïne® 成份，能強化肌膚皮脂層，形成保護膜，鎖緊水份，錫住 BB 幼嫩肌膚。

除咗呢款套裝，Biolane 仲有好多其他選擇架。
7月23日至8月4日 網上BB展期間  on.biolane.hk/fb20328 ，單件貨品最低 7折。

比多個優惠碼大家。。。購物滿 $350，結帳時輸入 BBEXPOGIFT，仲可以額外獲贈兔仔 Tom 公仔、滋潤保濕乳霜 (面及全身) 50ml + 2合1沐浴/洗髮啫喱 200ml（＊需按「結帳」，登入後會見到所有贈品，贈品會隨購買產品送貨。) 快 d 去選購啦。

魚鱻森寶寶粥 首創加入虱目魚精 營養豐富又均衡

細佬B 9個月大，加固方面尚算唔錯，我每日都花唔少心機去煮粥仔，加唔同配料比佢試。不過，黎緊準備返工喇，未必再有咁多時間煮粥，比我見到「魚鱻森寶寶粥」，只要用熱水座熱，或微波爐加熱就食得，夠晒方便，一於試下。

早係陀緊細佬B 時，我每日飲「魚鱻森虱目魚精」養胎補身，而佢新出嘅寶寶粥，亦首創加入咗虱目魚精，營養更豐富又易吸收，配合唔同食材，共有4款口味:

1. 好鈣小魚蔬菜粥: 有鈣質豐富嘅白飯魚、椰菜、紅蘿蔔及馬鈴薯，有助 BB 嘅骨骼及牙齒發展。

2. 睛亮豬肉菠菜粥: 菠菜含有豐富膳食纖維、維生素 A及C，促進腸臟蠕動，亦有助維持眼睛健康。

3. 順暢雞肉南瓜粥: 南瓜有助養胃，幫助消化。

4. 好胃道豬肉山藥粥: 山藥含有大量澱粉、蛋白質及多種維他命，健脾益胃。而澱粉酶、多酚氧化酶等，可以增強免疫功能。

每款寶寶粥都有菜有肉，營養均衡，聞落去有好香嘅魚湯味，杰杰地又有口感。細佬B 試晒四款口味，食得好快，津津有味。入口清清地，係食材嘅天然味道，無額外調味，更加無防腐劑、無抗生素、無化學物及無雌激素。百分百無添加，仲獲得「A.A. 無添加三星評級認證」。

而我最鍾意嘅係佢當中含有「魚鱻森虱目魚精」，經過 8小時嘅熬煮而成，保留整條魚嘅營養，鈣質非常豐富。魚鱻森寶寶粥幫我慳咗唔少時間，方便之餘，又有足夠營養，最緊要係細佬B 都好鍾意食呀。

1. 「魚鱻森寶寶粥」會於 8月初正式發售，有興趣預購嘅媽媽可以於 7月31日前登入 bit.ly/2AlmU0W 留低資料，首批預購嘅朋友可享優惠價 $99/盒 訂購添！最新資訊可以留意魚鱻森網站 ( www.mrfish.com.hk/ ) 或 Facebook 專頁 https://www.facebook.com/mrfishhk/。

抗疫必備 SaniHome消毒噴霧 全家安心使用

疫情再次爆發，而且嚴重過上一波，令我更加緊張，特別係因為屋企仲有細佬BB，萬一染到病菌，3個小朋友一齊病，後果真係不堪設想。

每日提醒佢哋要多d 洗手、噴手，每日爸爸放工，帶返屋企嘅物件亦要做妥消毒。而云云嘅消毒用品中，SaniHome係其中一個我最信賴嘅消毒用品。

SaniHome 醫療級表面消毒抗菌噴霧，由瑞士進口，品質一定有保證。佢達到醫療級別 Medical class IIA，能於 30秒極速殺滅病菌達 99.999%，包括細菌、真菌、病毒及孢菌等。而且得到歐盟認證，有效殺滅冠狀病毒。

無酒精、亦無有害物質，除咗可以噴於所有物件表面外，仲可以直接噴係於皮膚，或空氣作空間消毒，就算噴到食物都冇問。另外，以專利生物技術生產，連 BB、孕婦、小朋友、寵物都用得，人畜無害。

哥哥同妹妹每日都會用 SaniHome 幫手噴勻屋企，做足消毒。噴完仲有陣陣柑橘香，聞到都覺得清新，全屋乾淨晒。

SaniHome Facebook
https://www.facebook.com/Sanihome.hongkong/

SaniHome Website
http://www.sanihome.com.hk

一貼擊退黑色圈 VIIcode 氧眼貼

每晚當三個小朋友瞓覺後，我就開始享受我嘅 MeTime，睇電視、上網到凌晨都唔捨得瞓，攪到多咗對黑眼圈。而呢排戴住口罩，淨係露出對眼，簡直完全暴露我嘅缺點呀，一定要搵方法徹底清除。

突然醒起以前用過 VIIcode「夜間氧眼貼」，改善咗我嘅眼紋及眼袋，今次一於用埋佢嘅「淡化黑眼圈氧眼貼」。

眼貼上有凝膠精華，同埋活氧植物萃取精華Ecological Oxygen Plant Extraction，深入眼部肌膚底層，有效活化眼部周微血管嘅血液循環，趕走黑色素。

眼貼能緊緊貼實，唔會滑落，只需要貼住瞓覺 6至8小時，或者於日間貼 2至4小時就可以。

暫時用咗一盒，黑眼圈逐漸減淡咗之餘，眼部周圍肌膚亦幼滑咗，雙眼睇落都精神好多呀。
 

更多詳情及購買 https://www.viicode.com.hk/

Thomas 75周年小火車遊世界

仲記得哥哥未夠一歲時，第一次見到 Thomas 就立即愛上，自此變成火車迷，日日唱住「Thomas and his Friends」。唔講唔知，原來 Thomas 已經75歲喇，荷里活廣場就舉辦咗「Thomas & Friends 75周年小火車遊世界」。

黎到呢個充滿 Thomas 嘅遊戲世界，一定樂而忘返，場內有三大主題區：VR鐵路之旅，坐係 Thomas 車廂內遊覽，欣賞景色，仲會見到好多火車朋友。

森巴足球考驗，於限時內帶波扭過障礙物，挑戰腳法。

追風小車手，騎住 Thomas 平衡車奔馳。

仲有唔少影相位，一定要同晒咁多架火車朋友集郵呀，特別係中間大大架 Thomas 主角，眼仔碌碌，頭頂仲會噴煙㗎。

另外，旁邊有個 Pop Store，買番架小火車之餘，不妨睇下 75周年別注版模型，仲有多款限定精品。

日期: 2020年7月10日至8月31日
地點: 荷里活廣場一樓明星廣場

當 Super Mario 遇上 LEGO

係小朋友都鍾意砌 LEGO，哥哥妹妹都係由細玩到大。至於 Mario，簡直係我嘅童年回憶。今次 MegaBox 嘅「MegaBox x LEGO®️ LEVEL UP 想像力大作戰」，引入「LEGO Super Mario 冒險世界」，大人小朋友都超級鍾意。

場內有三個園區，「冒險世界」中，利用 Mario 通過重重關卡，好似打機咁，飛上白雲、踩磨菇、儲金幣。

「極速天地」，砌出自己嘅遙控越野車，互相比賽。

最後，去埋「動感AR樂園」，用 AR 探險，仲可以即場影張靚相，加上 LEGO 相框裝飾。

挑戰完畢，記得同 Mario 影相打卡呀。

仲有去 LEGO 期間限定店大購物，仲有好多限量 LEGO 禮品換領。

哥哥同妹妹玩到唔捨得走，搵日再黎過先。呢個暑期，大家都快d黎睇下玩下啦。

【MegaBox x LEGO®️ LEVEL UP 想像力大作戰】
地點：MegaBox L5中庭、L5展覽廳及L9
日期：2020年7月8日 至 9月13日