九號水產×果子夢 帆立貝親子烹飪班

黃埔「九號水產」舉行日本美食節，當中特別想為大家介紹場內嘅「私廚教室」，呢個9月就請來親子活動機構「果子夢」導師，於周末周日開設親子滋味班，教授烹調日式帆立貝菜式。

我同囝囝囡囡，率先試玩，製作帆立貝螺絲粉沙律。過程中，兩兄妹都好投入，好認真。哥哥主要幫忙出去攞材料、切食材，妹妹就負責加入材料。在場其他家庭都玩得好開心！

「作品」完成後，大家都食到唔停口，親手整出來嘅食物，係特別好味。導師仲邀請每個家庭分享烹飪過程嘅感受。呢次烹飪，我好欣賞兩兄妹能夠分工合作，互相幫忙。而佢兩個亦懂得感謝我同爸爸抽空帶佢哋去玩呢。

「果子夢」定期會舉辦親子活動，例如親子郊遊、生態導賞、親子廚房等，透過各種體驗活動，讓家長陪伴小朋友經歷及成長。有興趣報名呢次「帆立貝親子滋味班」或日後其他活動，可以去專頁睇吓呢。。。
https://www.facebook.com/fruitdream3
https://instagram.com/fruitdream3