馬鞍山 MOSTown 新港城中心 食飯睇戲雙重賞

琴日，哥哥同妹妹好乖乖，係學校做晒功課返嚟，所以就帶佢哋過咗馬鞍山等爸爸放工，去到仲好早，就入 MOSTown 新港城中心行一行，食住 early dinner 等。

兩兄妹話想食泰國菜，於是就去咗「泰巷」。 哥哥呢個小吃貨，望住個餐牌，樣樣都想試，眼闊肚窄 得我哋三個人邊度食得落咁多，所以揀咗幾款推介美食。。。

泰式小食拼盤：蝦餅同炸菜卷都炸得剛好，鬆脆唔硬；雞肉串燒得好香，肉質軟熟；虎蝦大大隻好多肉，妹妹仲幫我搣蝦

海南雞飯：雞肉嫩滑入味，配上油飯一流

亞萊肉碎生菜包：肉碎肥瘦適中，辣辣地幾惹味，生菜爽脆又清清地，夾埋一齊食，中和番個味道

平時我極少比佢哋飲凍飲，不過難得我一拖二同佢哋食飯，破例叫啦。我自己最愛泰式奶茶，哥哥鍾意食芒果，揀咗芒果薄荷梳打，妹妹就飲大大個椰青，好清甜呀！

食完飽飽，爸爸到達，行吓商場。路過戲院，做緊【MOST新戲味】食飯睇戲雙重賞。於美食薈萃商戶用電子貨幣埋單，就可以換領「英皇戲院」10蚊折扣卷。調番轉，睇完戲，憑即日戲飛，去指定美食商戶，都有85折或其他優惠。推廣期至11月14日，各位要食飯+睇戲，就嚟MOSTown 新港城中心啦！

更多資料可參考：
MOSTown 新港城中心網頁
https://www.mostown.com.hk

Facebook 專頁
https://www.facebook.com/mostownhk/