仲有唔夠一個月開學喇。
自己由細到大，媽咪都會幫我每年換一次新文具、新書包、新鞋。宜家自己做咗媽咪，當然都會幫仔女準備一下新用品開學。哥哥除了書包之外，其他返學用品及文具都已經又殘又爛，而妹妹今年升小一，更加要為佢準備一套整齊裝備。
前幾日到 D·PARK 逛街，遠遠看到一大幅掛布寫著「開學用品展」，我就同老公講：「太好了，一定要落去睇睇，好多開學用品需要買呀！」
「開學用品展」場內包羅萬有：書包、返學波鞋、皮鞋、文具精品等等，方便父母同小朋友一站式選購，唔洗走來走去 (買鞋去鞋店，買書包去書包店，買文具又要去精品文具店，挺麻煩的)。
另外，哥哥同妹妹都好喜歡睇書，場內有各種中英文圖書及補充練習，有D特價圖書仲低至10蚊一本。
然後，我哋又去展場隔離嘅 Donut Village，入面有幾個「D·Pick Store」，係細細間嘅舖頭仔，同埋車仔檔，售賣多款卡通人物嘅學校用品，特別以 Sanrio 卡通為多。小息袋、功課袋、水樽、圍裙手袖、雨衣等等都有。妹妹一見到「花漾精靈」卡通嘅小息袋，立即攞上手，好喜歡呢。媽咪我睇中一個 Hello Kitty 款，我自己都好想買一個返工用呀！
值得一提的，係其中一個「D·Pick Store」售賣多個品牌嘅護脊書包，包括 SPI、Beckmann、Moonrock、Tiger Family。書包最緊要保護小朋友脊骨，平均分佈書本重量，減輕背部的負重壓力。相信呢四個牌子亦最受大部分家長同小朋友歡迎。
而8月逢星期日下午 3至5時，會有脊醫為小朋友檢查脊椎健康。但名額有限，需要登記，詳情可參考 D.PARK 專頁。
<開學用品展詳情>
日期：即日起至9月15日
時間：星期日至四 11am~8pm
星期五六 11am~8:30pm
地點：D·PARK 愉景新城中庭L1
No comments:
Post a Comment