親子韓燒餐廳

我同老公都好鍾意食韓燒，不過燒嘢食係都要多d時間，小朋友通常都食到冇耐性。  好彩，比我搵到間親子韓燒，炑八韓烤親子餐廳 。

入到去，門口有個育嬰室，已經比我一個好印象，話明親子，幫BB換片同喂奶嘅育嬰室係必備。

小朋友比入場費，就可以無限進出遊戲室、試著韓服、同埋有一碟餅餅零食。

遊戲室好乾淨好靚，有波波池、滑梯、小廚房、圖書等等，最受歡迎一定是波波池呢。

我地叫左水冷面，同埋 ❣開心燒烤二人套餐❣，豬牛雞都齊，有韓式LA骨牛排、牛小排、牛腩肉、豬五花、雞腿。最特別係有個「摩天輪🎡」，上面有即炸小食，如炸雞、魚糕串、牛肉紫菜飯等，小朋友至愛！

其他仲有韓式小碟、麻醬沙律、無限添加爐邊嘅芝士粟米 🧀 + 泡菜蛋🥚。 我同老公慢慢燒嘢食，哥哥妹妹就去遊戲室。兩兄妹玩一陣之後，返埋枱，我地就剛剛燒好一堆嘢食，可以開餐喇 🍽。

我地仲試咗水冷面，荔枝果茶、水蜜桃茶 🍹，食完熱辣辣，再飲個凍冰冰，最後加埋石窩綠茶雪糕 🍨，滿足晒。 

特別一提，逢星期四晚，餐廳會有工作坊，每次主題都唔同，今次係同小朋友畫海底世界 🐠🐟。假日嘅下午同夜晚，又會有魔術師到場，小朋友同大人都一定喜歡 🥰。