童真照相館

早前得到牛欄牌邀請 Firenze 妹妹參與「童真照相館」。

妹妹一早起身，快快脆脆刷牙洗面梳洗，就急不及待想快D去玩玩喇。

到達後，妹妹先被安排拍攝面試相，正正經經坐著，淨係露少少微笑。

接住，妹妹就係場地內自由玩樂同埋食嘢。妹妹見到有波波池、巨型Barbie 屋、煮飯仔，成個場比佢任玩，開心到不斷笑，盡情想玩乜就玩乜，佢仲話有咁多玩具玩，感覺好幸福 tim！玩樂期間，攝影師一直將妹妹嘅一舉一動都捕捉。

到睇相時間，將面試相，同埋玩樂時嘅相片做個對比。面試相個樣好拘謹，夾硬擠個微笑出來。玩樂時嘅相片，終於露出牙齒笑了 😁，呢個先至係妹妹最自然、最天真、亦係最靚嘅一面。

今次活動之後，又是時候提醒一下自己。。。其實，小朋友畢竟係小朋友，就係喜歡玩玩跳跳，我哋做父母，不妨都放鬆一下，比小朋友多一點盡情玩樂嘅時間。我宜家都會成日提醒自己，唔好迫得佢哋太緊，趁呢幾年，比哥哥同妹妹好好享受童年，讓佢哋擁有最寶貴嘅童真。

讓孩子，做孩子。