飛天媽媽嬲三寶: 肌膚緊緻去斑白滑一枝ELP面膜攪掂晒

Friday 24 April 2020

肌膚緊緻去斑白滑一枝ELP面膜攪掂晒

正所謂「一白遮三醜」，皮膚白白滑滑，最令人羨慕。我自己嘅面部肌膚唔算好白，有幾次買護膚品時，做皮膚測試，都話我開始有色斑，黑色素較多，再唔好好處理，色斑就會一發不可收拾。

近排，試緊一隻日本面膜「Explorer La Leau 小滴管」，可以美白、淡斑、抗皺、保濕、去皺緊緻。一枝有齊咁多功效，真係好吸引呀。

等我介紹下佢當中有咩強大成份啦！α-熊果苷及維他命C，都有助美白淡斑，兩者結合，更能抑制黑色素，增強美白效果。α-熊果苷仲有埋去皺功效，仲可以消炎，減少黑頭粉刺。

另外，植物黃芪提取物，亦能消炎及鎮靜肌膚，舒緩肌膚嘅泛紅，所以特別適合被太陽曬後使用，黎緊夏天，啱晒！仲有蛋白聚醣，可以高度保濕、抗衰老、去皺紋，效用比一般膠原蛋白產品高 30%以上。

而且，我貪佢夠大枝，質地滑，容易推開。用幾多擠幾多，搽上面後又可以如常活動，唔似得紙面膜咁跣落黎，薄薄地敷 5-10分鐘，效果即時見到，亮白咗又滑咗，保濕之餘唔會笠。以後，屋企唔洗再買咁多面膜，一枝 ELP 就夠晒喇。