安撫BB瞓得好 TommeeTippe 超輕奶咀

我曾經提過，我係 Tommee Tippee 嘅多年粉絲黎㗎。10年前生完哥哥，買嘅第一件 Tommy Tippee 產品，係奶樽，之後就買手泵、儲奶袋、奶咀等。 接住，妹妹出世，都係用佢嘅產品。事隔多年嘅現在，細佬出世，估唔到 TT 多咗咁多新嘢。

其中，新出嘅「Ultra Light 超輕安撫奶咀」，淨係個樣已經好特別，中間透明，會見到個咀仔㗎。

佢採用100％食品級矽膠製造，安全有保證。成個奶咀都好柔軟，有時細佬貪玩，亂咬旁邊嘅位置，都唔怕整親牙肉。

細佬之前啜完奶咀，都會有紅印圍住咀邊，好似鬍鬚咁。但新嘅弧形設計，令奶咀同臉頰減少摩擦，啜完都唔覺有印。

另外，防靜電嘅物料，放係度唔會黏塵，或者衫上嘅毛毛，乾淨好多。

最重要係。。。佢真係好輕，含係口中唔會咁易跌落黎。宜家，每次氹細佬瞓覺，啜下啜下，就好舒服咁入睡喇。望住細佬嘅瞓覺甜樣，再加埋粉色嘅奶咀，感覺可愛又好治癒呀。