轉廢為材 果皮製成的柑橘香精油

每一日，我地都丟棄好多「廢物」，但其實有唔少可以回收、加工處理，成為有價值嘅材料，再製成有用嘅產品。例如我哋食水果，剝出黎嘅果皮，就係其中一個例子。

早排，見到一間環保社企「雕蟲小技大科研」，專門轉廢為材，佢哋就利用柑橘果皮，製成柑橘香精油 (Citrus Fruit Oil)。我自己有用開精油，就即刻試試，亦想支持一下「轉廢為材」嘅理念。

呢枝香精油，由橙、檸檬、青檸及西柚果皮製成，可以抗炎、防腐、鎮靜、舒緩、促進循環、消化、抗血壓等功效。

我就喜歡滴入香薰噴霧器，慢慢放香，聞住清清甜甜嘅氣味，有助舒緩壓力，清醒頭腦，心情都變得舒暢。

另外，呢排成日清潔家居，將精油混和清水，就變成天然消毒劑，用黎抹傢俬，可以消除霉菌。

浸浴同洗頭，又可以加幾滴，或者滴入面霜、潤膚膏，令皮膚緊緻、平衡油脂及變得有光澤。估唔到一枝細小嘅柑橘油，有咁多功效，環保又天然。

有興趣嘅可以去呢度睇睇呀
https://business.facebook.com/102006571234941/videos/214069173173449/