飛天媽媽嬲三寶: 老公補充元氣佳品老協珍人蔘精

自從細佬B 出世後，我同老公一直忙到冇時停，尤其細佬B 夜晚容易醒，老公為咗比我休息多d，每晚佢都主動起身湊BB，攪到冇覺好瞓，第二朝未天光就起身返工。見佢每日瞓咁少，冇晒精神，真係好擔心佢。

上網睇到郭富城好有型咁攞住一個紅色盒，好養眼，原來係老協珍嘅「人蔘精」，可以補充精神及體力，一於送比老公試下。講起人蔘補身，好多人都會用紅蔘或高麗蔘，但性質溫燥，容易熱氣、上火，體質燥熱嘅人都唔適宜食用。而本草綱目強調「溫補養氣」，老協珍就使用白蔘+西洋蔘，雙蔘平衡成為完美複方，溫和養氣又唔燥，適合大部分香港人嘅體質。

而且，老協珍用料上盛，使用真材實料，以原支人蔘熬煮，以「快火慢煎」嘅獨家工法，萃取豐富皂苷精華，熬煮過程中無添加任何濃縮液，完整保留所有人蔘精華，非常純正。

「人蔘精」入口濃郁回甘，加入冰糖，令味道更加甘甜，容易入口，全無苦澀味。一小樽即開即飲，每日朝早，老公返工前都會飲用一樽。連續飲用一星期，精神好咗，感覺冇咁攰。平日老公習慣以咖啡提神，但自從飲咗「人蔘精」，就連咖啡都唔洗飲喇。連續飲用7日個人精神d，專注力提升，做嘢都爽手好多，工作表現就自然好啦，仲有助增強免疫力。