為環境出一分力 GreenBeginnings環保尿布

計計下，細佬嘅尿片用量，每日至少6，7條，一年丟棄2000幾條，每條尿片要花上150年先可以被分解，諗下都覺得恐怖。為咗小朋友嘅未來著想，我決定幫細佬轉用環保尿布。

以前對環保尿布認識唔多，又唔知清洗會唔會麻煩，一直冇用。今次，有朋友介紹，用咗一星期覺得唔錯，同大家分享下。

細佬用嘅係「Green Beginnings 環保尿布褲」。

片芯內層係超細聚酯纖維，吸水力特強，能鎖緊水份於底層，而面層嘅 Stay Dry 高性能面料，其三角形結構纖維，就好似漏斗咁，水份唔會回滲。片芯亦有單層及三摺選擇，夜晚多尿量時，就用三摺。

我幫細佬換片芯時，摸上手係完全乾嘅，我仲以為佢冇尿尿添，直到攞出片芯，先知佢痾咗好多，但表面仲係非常乾爽。

至於尿布兜，就以防水透氣嘅布料製造，密度高，連美國外科手術都係用相同物料，可以阻隔細菌。尿褲外層及尿布兜分開，讓空氣流動，更加乾爽。

呢排天氣熱，細佬易出汗，但著住呢條環保尿布，patpat 都冇黏笠嘅感覺。全日保持通爽，減少尿疹或敏感嘅機會。尿布兜款式仲好多，有淨色、牛仔款、花邊等，日日換款襯衫都得呀。

另外，以前我擔心嘅洗清問題，原來都好簡單，每次換出後，用水稍為洗一洗，放係浴室，到沖涼時再順便洗多次，然後一次過放入洗衣機，就攪掂。

簡單踏出一小步，就可以為地球盡一分力，而且細佬又著得舒服，何樂而不為呢！

介紹埋個至荀優惠
Natural Purest 沙田店 尖沙咀店 及 GreenBeginnings 網購 同步發放
選購任何 Green Beginnings 產品即享 85折
選購2套 試用裝，即送Renew BB 洗衣粉200g 乙盒 (價值HK$40)
選購5套 試用裝，即送Renew BB 洗衣粉1000g 乙盒 (價值HK$178)

Natures Purest 門市
沙田新城市廣場三期A203舖
尖沙咀K11 Musea B2樓B213舖