護眼之寶 自然良坊醒目藍莓精華

多年來，返工長時間戴隱形眼鏡，再加上工作環境，雙眼乾澀。而近兩個月湊BB，睡眠不足，令本來較弱嘅眼睛更加疲累，黑眼圈都出埋。

一直都知道藍莓有助維持眼睛健康，不過唔係成日得閒走去買新鮮藍莓呢，好在比我知道自然良坊 有隻「醒目藍莓精華」，每日食一粒，就能增強眼睛健康，好方便。

佢係美國製造，選用優質藍莓，100倍濃縮精華，加上含深海魚油，兩者加埋，更有效強化視力、保護視網膜及眼睛血管健康、舒緩眼睛疲勞。

魚油亦能促進腦部發展，加強記憶力及學習能力。特別適合有視力問題、眼乾、長時間使用電腦或電話、經常眼現紅筋、睡眠不足、長時間閱讀、駕駛精神或集中力差嘅人服用。

連囝囝囡囡都同我一齊食呀。尤其囝囝，自細深散光及近視，上高年級後，做功課同閱讀時間長咗，更需要保眼。

唔講唔知，藍莓精華除咗對眼睛有多個好處外，亦係抗氧化之物，能夠美白淡斑、抗衰老、促進膠原蛋白。呢款保健食品，一家大細都可以齊齊食，方便又有益。

自然良坊FB專頁:
http://www.facebook.com/NaturalSquare
自然良坊網站:
http://www.naturalsquare.com.hk
網店:
https://www.naturalsquare-eshop.com

煥然一新嘅一天 Bodhi Herbal Spa

【文末有優惠】

上星期，趁細佬BB嘅兩餐奶之間，偷咗兩小時去附近間 Bodhi Herbal Spa (the Mills 分店)，比自己放鬆休息一下。

Bodhi 主打泰式按摩，佢地有10幾個項目，我揀咗 Signiture Treatment Combo 中嘅「喜瑪拉亞山岩鹽身體磨砂 + 泰式有機椰子油按摩」。

按摩前，會填問卷，寫低有咩部位想加強按摩、唔想按嘅部位、按摩力度等。按摩師係正宗泰國人，佢先用岩鹽按摩全身，淨係聞到陣味，已經好舒暢，加上適中嘅按摩力度，配合埋柔和音樂及流水聲，身心都立即放鬆。

然後，係房內嘅獨立浴室沖個涼，就開始椰子油按摩。

椰子油係100%天然有機，就算我宜家餵緊母乳都用得，連孕婦都啱用㗎。呢兩個月來因為湊BB，頸部同腰背非常疲勞，按摩師特別加強力度。掹緊嘅肌肉，放鬆晒之餘，仲好滋潤。

臨走時，仲見到佢地設有床墊區，方便進行各種拉筋動作。拉簾設計，約埋朋友按摩傾計都得。按摩完，飲埋杯泰國香茅茶，成個人脫胎換骨咁呀。

咁好嘅泰式按摩，我誠意推介比大家，繁忙之中鬆一鬆。快 d Like Bodhi 嘅Facebook 專頁，然後用我嘅優惠碼【Nana 媽媽】，首次惠顧 Signature Combo Treatment 或正價項目，就可以多送15分鐘喇。

項目詳情及地址，可參考 Facebook 專頁
https://www.facebook.com/bodhihk/

香港製造 日本純棉童裝

文末有優惠

收到 Arbu.baby 嘅姊弟裝，家姐超級開心呀。
一收到，已經好心急著上身，同細佬孖住咁出街。

呢套姊弟裝，細佬嘅口水肩，係用咗家姐 T-shirt 上面嘅迷彩圖案。兩件都印有佢哋嘅名，獨一無異㗎。質料好舒服柔軟，布料有厚度，唔會太薄太透。口水肩仲可以雙面兩用，中間有防水層，防止水同奶滲入過底。

Arbu 嘅產品採用日本純棉布料，不含香料及或有害化學物質。而印刷顏料亦通過安全檢測，絶對安全。香港製造，小朋友同BB絕對放心著。

另外一提，Arbu 採用低碳排放生產，衫上嘅圖案利用數碼印刷，無甲醛，無污水排放，顏料可生物分解，對環境污染減到最低。

各位不妨上佢地嘅網頁睇睇款式，間中仲會有款出㗎。比個獨家優惠碼大家，付款前於 Discount code 中輸入「Christina2019」可以有85折呀。

網頁: https://arbu-story.myshopify.com/

Epic Land 歷奇王國

上星期，去咗愉景灣歷奇王國 開X'mas Party，成日見人影果度條彩虹長滑梯，一直都想帶哥哥妹妹去玩，今次終於有機會喇。

去 Party Room 同其他小朋友玩左一陣，食少少嘢之後，兩兄妹已經急不及待跑出去玩。呢度分成幾個區域：

幼兒玩樂區，有小型滑梯、波波池等，比3歲以下小朋友玩。

五層玩樂區，可以穿梭上落，好似大迷宮咁，有不同障礙、繩網、滑梯等，有刺激又有溫和，啱晒唔同性格嘅小朋友。

當中緊係唔可以錯過彩虹滑梯、黑洞滑梯，同埋垂直落嘅紅色滑梯，連大人都可以玩架，老公都話極好玩。

彈床區，平時小朋友咁鍾意跳梳化，黎到呢度就盡情跳啦，跳彈床亦有助腦部發展及手腳協調，原來要跳得高都唔容易㗎。

攀爬區，有幾款唔同嘅攀爬設施，訓練膽量，亦有工作人員在旁指導。

Air Trek 空中漫步，絕對係挑戰膽量、體能、專注力、平衡力等嘅好活動。

另外，仲有小型哥爾夫球、小型籃球、VR 遊戲、360 Chamber 等等。旁邊仲有小食區，玩到餓可以買吓嘢食。而在場工作人員都好親切，Manager 會不時行入場內巡視，仲會同小朋友一齊玩添。

我哋當日由下午玩到夜晚，都玩唔晒呀，要再去多幾次先得。

Epic Land Facebook 專頁：
https://www.facebook.com/epiclandhk/

奥海城「想 像達文西500週年展」

對於達文西，在我印象中，就只有《蒙羅麗莎的微笑》同埋《最後的晚餐》，但係前日去完奥海城嘅「想·像達文西500週年展」後，令我認識更多，原來佢身兼畫家、建築師、工程師、數學家、音樂家嘅多重身份，成就非常大。

今次係第一階段展覽，放置達文西於唔同範疇嘅作品，包括數千份電子化的手稿、繪圖真跡例如《大西洋古抄本》、發明展品例如飛行器、汽車等。除咗睇，仲有幾個互動體驗遊戲。

場內最矚目係8米高嘅蒙娜麗莎電子畫，而大家亦可以拍攝一張「我的蒙娜麗莎微笑」，即場合成自己樣貌嘅蒙羅麗莎。

VR 探索《最後的晚餐》，以虛擬實境窺探完成呢幅名作嘅環境。

「尋找達文西的完美人體」，透過人體掃瞄器測試身體比例。

「動感飛行」，戴上感應器移動身體，控制屏幕上的飛機，完成比賽可獲精美禮品一份。

去完呢個展覽，真係大開眼界，囡囡亦趁呢次機會，了解達文西嘅發明及貢獻。黎緊嘅第二階段，仲會有達文西嘅珍貴樂器復原品展出。大家不妨趁呢個長假期，帶埋小朋友一齊認識呢位中世紀鬼才啦。

「想·像達文西500週年展」
日期：展覽第一期 即日至 2020年1月1日 （2020年1月2日暫停開放）
展覽第二期 2020年1月3日至2月16日
時間：12pm-9pm，截止參加時間 8:30pm
*部分活動設有休息時段
地點：奧海城2期地下主題中庭